Ang salitang pangnilalaman ay tumutukoy sa mga impornmasyon sa isang pangungusap o teksto. Ang pag-aaral na ito ay naglalayong alamin ang mga high frequency ng mga salitang pangnilalaman sa akdang pampanitikan sa Baitang 7.
Disenyong kwalitatibo sa pagsusuri ng nilalaman ang ginamit sa pag-aaral upang malaman kung anong salitang pangnilalaman ang madalas lumalabas sa mga akdang pangpanitikan ng Grade 7.
Natuklasan sa pag aaral na ang mga salitang pangnilalaman na ginamit sa akdang pampanitikan sa aklat Pluma 7 ay ang pang-abay, panghalip, pangngalan, pang-uri, at pandiwa. Natuklasan din na ang pinakamataas na gamit ay ang pang-abay pananggi, panghalip na panao, pangngalang pambalana, pang-uring panlarawan, pandiwang nasa aspektong perpektibo. Kaya inirekomenda na magbibigay ng mga pagsasanay at aktibidad na naglalaman ng mga high frequency ng mga salitang pangnilalaman upang malinang at mapalawak pa ang kabatiran ng mga mag-aaral tungkol sa mga ito.